(बिलंदरी)

कधीतरी केलेले हे विडंबन ब्लॉगावर टाकायचे राहुनच गेले होते. तेच आज ईथे टाकत आहे.

खर तर हा आमचा विडंबनाचा पहिलाच प्रयत्न. गप्पाटप्पा सदरात घालण्याचे कारण म्हणजे एक विरंगुळा म्हणुन ह्याकडे पहावे एवढाच उद्देश.

हे विडंबन एका बिलंदरीची माफी मागुन...

प्रेरणा

जालाच्या ह्या विणीवरची
ती बिलंदरी नवखी होती
ती तशी विस्मरणीय
"ईद का चाँद" होती

तीच्या ओठांवरती
बडबड पोकळ होती
अपशब्दांची तर ती
सरस्वातीच होती

न शिजलेला भात
पोळी चिवट होती
तिच्या स्वयंपाकाची ती
तर्‍हा न्यारीच होती.

नव्या जगाची ही वाट

(उगाच र ला ट जोडायचा आमचा एक यत्न)




भेटला आपणास आज हा एकांत

विसरूया जग, नाही कशाची भ्रांत II१II



का आहोत आपण दोन ध्रुवांवर?

जवळी ये, धर हा माझा कर II२II



मोहरलो आहे स्पर्शाने तुझीया आज

नेत्रांत तुझ्या का ओथंबली लाज II३II



नको सोडूस कधी माझा हात

असू दे जन्मोजन्मीची साथ II४II



सरली अंधारी रात, बघ रम्य ही पहाट,

चल चालूया नव्या जगाची ही वाट II५II